Azərbaycanda ən çox müavini olan nazir kimdir? - ADLAR

Xəbər verdiyimiz kimi, “Azərkosmos” ASC-nin İdarə Heyətinin sədri Saməddin Əsədov vəzifəsindən azad edilərək, rəqəmsal inkişaf və nəqliyyat nazirinin müavini təyin edilib. Bununla da, Rəşad Nəbiyevin müavinlərinin sayı 5-ə çatıb.

Belə ki, Rəhman Hümbətov, Samir Məmmədov, Cavid Qurbanov (“Azərbaycan Dəmir Yolları” QSC-nin sabiq sədri) və Elmin Məmmədov da RİNN rəhbərinin müavinləridir. 

Maraqlıdır, Azərbaycanda ən çox müavini olan nazir kimdir?

Oxu24.com xəbər verir  ki, “Qafqazinfo” nazirlərin müavinlərinin sayı ilə bağlı qısa araşdırma edib. Məlum olub ki, hazırda ən çox müavini olan nazir Kəmaləddin Heydərovdur.

Fövqəladə hallar naziri K.Heydərovun 7 müavini var: Rəfael Mirzəyev (birinci müavin), Faiq Tağızadə, Etibar Mirzəyev, Orucəli Hacıyev, Teymur Mehdiyev (Prezident Adminstrasiyasının sabiq rəhbəri Ramiz Mehdiyevin oğlu), Tapdıq Əmiraslanov (Milli Məclisin Səhiyyə komitəsinin sədri Əhliman Əmiraslanovun oğlu), Adil Abdullayev.

Xarici işlər naziri Ceyhun Bayramovun müavinlərinin sayı isə 6-dır: Mahmud Quliyev, Araz Əzimov, Fariz Rzayev, Elnur Məmmədov, Samir Şərifov, Yalçın Rəfiyev.

Daxili işlər, ədliyyə və iqtisadiyyat nazirlərinin 5 müavini var.

Daxili işlər naziri Vilayət Eyvazovun müavinləri: Seyfulla Əzimov (birinci müavin), Oqtay Kərimov, İsmət Əliyev, Şahin Məmmədov, Fazil Quliyev.

Ədliyyə naziri Fərid Əhmədovun müavinləri: Abidin Hüseynov, Toğrul Hüseynov (Birinci vitse-prezidentin Katibliyinin sabiq baş məsləhətçisi), Mübariz Əhmədov, Eldar Nuriyev, Mirsaleh Seyidov.

İqtisadiyyat naziri Mikayıl Cabbarovun müavinləri: Elnur Əliyev (birinci müavin), Sahib Ələkbərov, Rövnəq Abdullayev (SOCAR-ın sabiq prezidenti), Səməd Bəşirli, Anar Axundov.

Müdafiə, Ekologiya və Təbii Sərvətlər, Energetika, Elm və Təhsil Nazirliklərində isə müavin sayı 4-dür.

Müdafiə naziri Zakir Həsənovun müavinləri: Kərim Vəliyev (birinci müavin), Hikmət Mirzəyev, Namiq İslamzadə, Aqil Qurbanov.

Ekologiya və təbii sərvətlər naziri postu hazırda boş olsa da, nazirlikdə 4 müavin fəaliyyət göstərir: Rəşad İsmayılov (birinci müavin), Rauf Hacıyev, Vüqar Kərimov, Umayra Tağıyeva.

Həmçinin oxuyun

Kişilərdə də sinə xərçəngi olurmuş   — Cərrah mammoloq xəstəliyin əlamətlərini açıqladı  (MÜSAHİBƏ)

Pensiyalarla bağlı ƏHALİYƏ MÜJDƏ 

Əli Əsədov qərar imzaladı 

Dünyadan köçəcəyi günü əvvəlcədən bildi, efirlərə çıxışı qadağan olundu, oxuduğu mahnılara görə həbs edildi  —  Məmmədbağır Bağırzadə  haqda faktlar 

Energetika naziri Pərviz Şahbazovun müavinləri: Samir Vəliyev, Elnur Soltanov, Kamal Abbasov, Orxan Zeynalov.

Elm və təhsil naziri Emin Əmrullayevin müavinləri: Firudin Qurbanov, İdris İsayev, Həsən Həsənli, Kənan Kərimzadə.

Əmək və əhalinin sosial müdafiəsi, kənd təsərrüfatı, mədəniyyət və səhiyyə nazirlərinin isə 3 müavini var.

Əmək və əhalinin sosial müdafiəsi naziri Anar Əliyevin müavinləri: Vüsal Nəsirli, Anar Kərimov, Hidayət Abdullayev.

Kənd təsərrüfatı naziri Məcnun Məmmədovun müavinləri: İlhamə Qədimova, Elçin Zeynalov, Sarvan Cəfərov.

Mədəniyyət naziri Adil Kərimlinin müavinləri: Səadət Yusifova, Fərid Cəfərov, Murad Hüseynov.

Səhiyyə naziri Teymur Musayevin müavinləri: İlqar Qasımov, Rasim İsmayılov, Nadir Zeynalov.

Müdafiə sənayesi, gənclər və idman nazirlərinin 2 müavini var.

Müdafiə sənayesi naziri Vüqar Mustafayevin müavinləri: Mehman Baxışov və Hidayət Əzimov.

Gənclər və idman naziri Fərid Qayıbovun müavinləri: İndira Hacıyeva və Fərhad Hacıyev.

Maliyyə naziri Sahil Babayevin isə cəmi 1 müavini var: Azər Bayramov.

Qeyd edək ki, bəzi nazirliklərin əsasnamələrində müavin postlarının sayı daha çox göstərilsə də, yazıda isə hazırda vəzifə başında olan müavinlərin adları qeyd edilib.